Nicolas Brusquek ez du Miarritzeko presidente izaten jarraituko. Taldeko zuzendari berriek astelehenean hartu zuten erabakia eta aurrerantzean Benjamin Gufflet izango da administrazio kontseiluko zuzendaria. Klubak ohar bidez azaldu duenez, Capgemini babesle nagusiak taldea utzi izanak "arazo ekonomikoak" ekarri ditu Miarritzera, eta haiei aurre egiteko harturiko erabakia da.
Gufflet Bordelen jaioa da eta 38 urte ditu eta A-Team Sports Investments (ATSI) taldeko akziodun nagusiaren burua da. Guffletek honezkero argi du utzi du Baionarekin bat egitearekin aurkakoa dela eta Gonzalo Quesadak kirol zuzendari postuan jarraitzea nahi duela. Kirol helburuak berdinak direla argitu du, mailaz igotzea alegia, eta heldu den sasoian taldeak antzeko aurrekontua izango duela, bi milioi euro ingurukoa.
