Altsasu

Guardia Zibilak kintoei mehatxu egin diela salatu dute Altsasun

"Kalean dirua eskatzeagatik" isunak jartzearekin mehatxu egin diete guardia zibilek kintoei.

Kintoak dirua eskatzen /
Kintoak dirua eskatzen / / @hitzondo

Berria -

2018ko otsailak 6

Egunotan kintoak izan dira protagonista Altsasun (Nafarroa). Diru bilketak egin dituzte, bazkari eta afariak, dantzak...

Jai giroko ekitaldi horietan errepresioa izan dutela salatu dute kintoek beraiek. Alde batetik, ostiralean bi kintoren afarian izan ostean etxera zihoazen bi gazte ordu erdiz atxiki zituen Foruzaingoak. Isunak jartzeko mehatxu egin zieten biei.

Eta atzo ere antzeko mehatxuak jaso zituzten Guardia Zibilaren eskutik. Goizean zabaldu zuten ohar batean salatu zuten Guardia Zibilak isunak jartzeko mehatxuak egin zizkiela gazteei. Batzuei dirua lapurtzeko imintzioa ere egin zieten.

Egunaren amaieran gertatutakoa salatu zuten kintoetako bi kidek: "Errepresiorik gabeko jaiak nahi ditugu, alde hemendik", esan zuten.

Bideoa: Kintoak gertaerak salatzen (@hitzondo).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna