Bankuak

Eurogunean 760.000 milioi euro daude zalantzazko maileguetan

EBZk dio Euroguneko bankuak sendoagoak direla orain egoera zailen aurrean, baina zalantzazko maileguek "arazo garrantzitsu bat" izaten jarraitzen dutela.

Daniele Nouy, artxiboko argazki batean.
Daniele Nouy, artxiboko argazki batean. FRANK RUMPENHORST /EFE

Xabier Martin -

2018ko otsailak 7

Bankuak hobeto daude azken ureetan beren sisteman garbiketa lan handia egin ondoren, baina ez da nahikoa. EBZ Europako Banku Zentralak abisu argia eman die Euroguneko finantza entitateei: zalantzazko maileguen garbiketa gehiago egin behar da, oraindik "arazo garrantzitsua" direlako.

Daniele Nouy EBZko Zaitzako Kontseiluko presidenteak dio bankuak "sendoagoak" direla orain egoera zailen aurrean, baina NPL maileguak (zalantzazkoak) 760.000 milioi eurokoak direla oraindik. Azken urteetan 200.000 milioi euroko mailegu susmagarri kendu dituzte euren kontuetatik bankuek, baina garbiketak ezin du etenik izan, Nouyk dionez. "Bankuek garai onak baliatu behar dituzte lan hori egiteko; garai horiek orain dira".

De Guindos, EBZko presidenteiordegai

Espainiak Luis de Guindos bere Ekonomia ministroa aurkeztu du EBZko presidenteorde izateko. Mario Centeno Eurotaldeko presidenteak Madrilen gutuna jaso du hautagaitza horren proposamenarekin. Europako Kontseiluak martxoaren 22an edo 23an erabakiko du nor izango den EBZko presidenteordea, Vitor Constancio portugesaren lekukoa hartuta. Irlandako Banku Zentraleko presidente Philip Lane ere bada posturako hautagai, Dublinek hura proposatu ondoren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna