Ondarea

Gaztelu baten arrastoak izan daitezkeenak azaldu dira Iruñean

Gaztelu Enparantzan egiten ari diren lan batzuek azaleratu dituzte aztarnak, eta eten egin ditu lanak Iruñeko Udalak, ikerketa egin artean.

Eslava Casinoaren izkinan agertu den gaztelu itxurako aztarna. GAIZKA ARANGUREN
Inigo Astiz
2018ko otsailaren 7a
17:55
Entzun

Hiritarrek eman dute lehen abisua. Gaztelu baten oinarria dirudien eraikin baten aztarnak utzi ditu bistara Gaztelu Enparantzan lanean ari diren hondeamakinek. Eslava Casinoaren ertzean izan da, zehazki, eta Gaizka Arangurenek igo du sarera aurkikuntzaren argazkia. Gaztelua itxurako eraikinaren gainean, zuzenean mailu pneumatikoarekin ari ziren langileak lanean goizean, baina lanak eteteko erabakia hartu du Iruñeko Udalak, eta aztarnak ikertuko dituela adierazi du.

Joseba Asiron alkateak bere hipotesia ere plazaratu du sare sozialetan. 1515 inguruan eraikitako Santiagoko gazteluaren ertzeko atala izan daiteke lanetan topatutakoa, bere ustez. Ez da itsuan ari, ordea. Izan ere, arte historian doktorea ere bada Asiron, eta, hain zuzen ere, Nafarroako defentsa sistemari buruz egin zuen bere doktore tesia. Twitterren zehaztu duenez, urte gutxiz izan zen martxan gaztelu hori martxan, eta Erdi Arotik Berpizkunderako trantsizio faseko gazteluetariko bat izan zen.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.