Kurdistan

Turkiaren errepresioaren aurrean tinko eusteko deia egin du HDPk

Buruzagitza berria aukeratu du Kurdistango HDP alderdiak Ankaran egin duen kongresuan. Faxismoari aurre egiteagatik preso hartzen badituzte, espetxe berriak eraiki beharko dituztela ohartarazi dio Demirtasek Turkiari.

HDP alderdiko buruzagitza berria. /
HDP alderdiko buruzagitza berria. / HDP

Arantxa Elizegi Egilegor -

2018ko otsailak 11

Azken asteetan Turkiak gogortu egin du kurduen aurkako jazarpena, eta astebetean soilik 500 pertsona atxilotu dituzte, sre sozialetan gerraren kontrako aldarriak egiteagatik. Hala eta guztiz ere, HDP Herriaren Alderdi Demokratikoak borrokan jarraitzeko deia egin die herritarrei, Ankaran egin duen kogresuan. 

Buruzagitza berria izendatzeko baliatu du alderdi kurdu nagusiak biltzarra. Aste hasieran jakinarazi zuten Pervin Buldan eta Sezal Temelli izango zirela 2016tik preso dauden Figen Yuksekdag eta Selahattin Demirtasen ordezkoak. Biak ala biak atxilotu egin zituzten kargua hartu eta bi urtera, Ordea, Demirtasek ohartarazi du batzuk espetxeratu arren, beste batzuk borrokan jarraituko dutela, eta jarrera aldatu ezean "espetxe berriak eraiki" beharko dituela esan dio Turkiari. 

Yuksekdagek ere mezua helarazi die jarraitzaileei espetxetik, eta nabarmendu du Ankrakoa ez dela alderdi baten ohiko kongresua, "amore emateko pres ez dagoen herritarren indar erakustaldia" baizik. 

"Ez gara historiako atal ilun honen partaide edo laguntzaile izango. Ez du axola zenbat ahalegintzen diren gu bakartzen eta indargabetzen: gure eskubideen eta zilegitasunaren indarrean sinesten jarraituko dugu", adierazi du Buldanek. 

Temellik, bere aldetik, kongreura joan direnek igaro behar izan dituzten segurtasun kontrlak salatu ditu: "Haien ahalegin guztiak alferrekoak dira. Ez dakite ez dagoela ausardia geldiarazteko tresnarik". 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna