Auzitegiak

Jaurlaritzaren iritziz, "neurrigabea" da ertzain bati jarritako bi urteko zigorra

Orduan, Amaiurreko senataria zen Amalur Mendizabali bost zentimetroko zauria eragin zion ertzainak.

Amalur Mendizabal, odoletan, ertzainaren kolpea jaso ostean. /
Amalur Mendizabal, odoletan, ertzainaren kolpea jaso ostean. / Juan Carlos Ruiz/Argazki Press

Berria -

2018ko otsailak 12

Jaurlaritzako Segurtasunerako kontseilariorde Josu Zubiagaren ustez, "neurrigabea" da Gipuzkoako Auzitegiak ertzain bati jarritako bi urteko zigorra. "Agian, kontuan hartu dute Mendizabal garai hartan senataria zela. Hala ere, gertatutakoari eta haren ondorioei dagokionez, zigorra apur bat neurrigabea da".

Herrira-ren aurkako operazioan gertatu zen, 2013an, Hernanin. Ertzainak buruan jo zuenean, emakume bat babesten ari zen Amalur Mendizabal, eta senatari txartela zuen eskuan. Bost zentimetroko ebakia egin zion borra kolpeak, eta zortzi puntu eman zizkioten.

Epaiketan ertzainak onartu zuen borra erabili zuela, baina adierazi zuen "beharrezkoa" izan zela. Ordea, Mendizabalek azpimarratu zuen kolpea hartu aurretik ez zela izan inolako liskarrik bera zegoen tokian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna