Eguerdian, Bakioko (Bizkaia) begiratokian zeuden txirrindulari batzuek "gorpu bat zirudien zerbait" ikusi dute labarren gunean, 30 bat metro behera, eta Ertzaintzari deitu diote. Mendiko unitatea hara jaitsi da, eta gizonezko baten gorpua jaso dute.
Segurtasun Sailak BERRIAri baieztatu dionez, indarkeria zantzuak zituen hilotzak, eta Ertzaintzak ikerketa abiatu du.
