Albistea entzun

Reala-Alaves

Realak 2-1 irabazi dio Alavesi derbian

Reala 2-0 aurreratu da 11. minuturako. Alavesek aldeak murriztu ditu eta berdintzeko zorian egon da lehen zatia amaitzerako. Bigarren zatian, berriz, jokoa kontrolpean izan du Realak.

Realeko jokalariak Asier Illarramendiren gola ospatzen, Alavesen kontrako derban. /
Realeko jokalariak Asier Illarramendiren gola ospatzen, Alavesen kontrako derban. / Juan Herrero/EFE

Berria -

2018ko martxoak 4

Aldeko jarri du neurketa Realak partida hasi eta berehala. Bi aukera izan ditu lehen minutuetan, eta bi gol sartu ditu. Lehenengoa, 6. minutuan sartu du Hector Morenok, korner batean. Bigarrena, Illarramendik egin du 11. minutuan. Alavesek baloia atzetik ateratzerakoan huts egin du, Bautistak baloia eskuratu, atera jaurti eta Pachecok gelditzea lortu duen arren, aldaratzea baliatu du Illarramendik Realaren bigarrena egiteko.

Realak aukera gehiago ere izan ditu hurrengo minutuetan. Erabat nagusitu da jokoan eta hirugarrena egiteko moduan izan da.

Alaves pixkanaka suspertzen hasi da, ordea, eta izan duen lehen aukeran aldea murriztea lortu du. Martinek eskui hegaletik erdiratu du bigarren zutoinera, eta han agertu da Pedraza, erremate on batekin baloia sareetara bidaltzeko.

Lehen zatia amaitzear zela, Sobrinok partida berdindu du ia. Abiaduran gainditu du Llorente eta Moya aurrez-aurrekora irten denean, baloia altxa dio. Jaurtiketa langara joan zaio Alaveseko aurrelariari.

Bigarren zatian, Reala izan da baloiaren jabe, eta kontrolpean izan du jokoa. Alaves ez da gol aukera garbirik sortzeko gai izan. Realak, berriz, gertu izan du hirugarrena. Zurutuzak buruz errematatu du De la Bellak ezker hegaletik eginiko erdiraketa on bat, 62. minutuan, baina kanpora joan zaio.

Partidaren azken minutuetan gol aukerak izan William Josek eta Zurutuzak ere, baina ez dute Pachecoren atea zulatzerik lortu.

Alaves saiatu da Realak utzi dituen hutsuneak baliatzen, kontraerasoan arriskua sortzeko. Ez du, ordea, gol aukera argirik izan bigarren zati osoan.

Azkenean, Reala 2-1 gailendu zaio Alavesi.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Cecilia Marcos Realeko jokalaria erdiraketa bat egin nahirik, Bayern Municheko Rall aurrean duela. ©REALA

Ametsetik esnatu da

Ainara Arratibel Gascon

Reala Txapeldunen Ligatik kanpo geratu da, Bayern Munichen aurka 3-1 galdu ostean. Lehen zatian txuri-urdinek ezin izan diote eutsi alemaniarren jokoari
 ©IñIGO URIZ / @FOKU

«Mesede handia egin dit eskuak ondo izateak; ikaragarri gozatu dut»

Julen Etxeberria

Uda ederra biribildu nahi du Mastersean, Nafarroa Arenan. Gaur finalerdia jokatuko du, Ezkurdiarekin, Jakaren eta Zabaletaren aurka. «Inoiz baino sasoikoago» dagoela dio.
Guruzeta, Unai Simon, Nico Williams eta Sancet, Lezaman. ©LUIS TEJIDO / EFE

Bolada onari eutsi nahian

Zuriñe Iglesias Sarasola

Athleticek Almeriaren aurka jokatuko du gaur, etxean. Valverdek esan du neurketa ‹‹funtsezkoa›› izango dela «hilabete gogorrari» aurre egiteko
Realaren eta Bayernen arteko neurketako irudia, joaneko partidan. ©Gorka Rubio, FOKU

Reala Txapeldunen Ligatik kanpo gelditu da

Ainara Arratibel Gascon

Realak ezin izan du kanporaketa irauli. Bayern aise gailendu zaio markagailuan talde txuri-urdinari: 3 - 1 amaitu da neurketa. Kanporaketan, Reala 4 -1 gelditu da atzetik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...