Sare sozialetan argitaratutako ohar batean jakinarazi du taldeak uztea erabaki duela. "Bizitzan, liburuetan bezala, orriak pasatu behar dira. Eta guretzat beste bat pasatzeko garaia heldu da", esan dute. "Tristura puntu bat" daukaten arren, "asebetetzeko sentsazio handia" ere badutela nabarmendu dute taldeko kideek.
Hamar urtean asko gozatu dutela azpimarratu dute, eta azaldu dute, azken urte honetan ere horixe egiteko intentzioa dutela. Eskerrak eman dizkiote bidelagun izan dituzten guztiei.
Abenduan kaleratu zuten azken diskoa, ska eta reggae klasikoa elektronikarekin uztartuz.
