Gizartea

Jaurlaritzaren iritziz, lurralde antolaketari ez dagokio "hizkuntza eremuetan sartzea"

Uemak eta Kontseiluak hainbat zuzenketa aurkeztu zizkioten lurraldea antolatzeko gidalerroen behin-behineko txostenari, eta Lurralde Antolaketarako Sailak ia guztiak baztertu ditu.

Uemaren seinalea, Zarauzko sarreran
Uemaren seinalea, Zarauzko sarreran Gorka Rubio

Jon Rejado -

2018ko martxoak 12

“Lurralde antolamenduak ez du bere eremua gainditu behar hizkuntzarekin lotutako eremuetan sartzeko”. Jaurlaritzako Lurralde Antolaketarako Zuzendaritzak hitz horiek baliatu ditu atzera botatzeko Uemak eta Kontseiluak lurraldea antolatzeko gidalerroen behin-behineko txostenari egindako zuzenketa gehienak.

EAEko lurraldea antolatzeko gidalerroak berrikusteko prozesuan aldaketak egin zituen Lurralde Antolaketarako Sailak, duela hilabete bat. Euskararen atalean, besteak beste, kendu zituen “euskararen koofizialtasun erreala eta eraginkorra sustatzeko” helburua, eta arnasguneak “babesteko” helburua.

Aldaketaren aurrean, Uemak eta Kontseiluak zenbait zuzenketa egin zituzten: ‘arnasguneak’ terminoa gehiago garatzeko; biztanleriaren % 50-80 artean euskalduna duten udalerriak kontuan hartzeko; EAEko toki erakundeei buruzko legean xehatutako zenbait alor txertatzeko; Euskararen Lurralde Plan Sektoriala egiteko... Lurralde Antolaketarako Zuzendaritzak horiek baztertu ditu.

Uemak gogorarazi du, EAEko udalen legearen arabera, herriek hizkuntza eragina aztertu behar dutela hirigintza planetan. Beraz, Eusko Jaurlaritzak eman duen erantzunak araudi horrekin “talka” egiten duela zehaztu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: