AEB

Facebookek dio "engainatuta" eman zituela milioika erabiltzaileren datuak

Trumpen presidentetzarako kanpainari lotutako enpresa batek eskuratu zituen 50 milioi erabiltzaileren datuak.

Zerbitzariak. /
Zerbitzariak. / EFE

Arantxa Elizegi Egilegor -

2018ko martxoak 21

AEBetako Merkataritza Batzorde Federalak ikerketa bat hasi du Facebookeko milioika erabiltzaileren datuekin zer gertatu den argitzeko. Duela lau urte hasi zen guztia, 2014an. Orduan, Erresuma Batuko Cambridge Analytica enpresak 50 milioi erabiltzaileren datuak bereganatu zituen. Horretarako, Cambridgeko Unibertsitateko irakasle bat kontratatu zuen, zeinak ikerketa baterako zirela esanez hainbat erabiltzaileri buruzko informazioa eskuratu zuen.

Facebookek 2015ean jakin zuen erabiltzaileen datuak Cambridge Analyticaren esku zeudela, eta azalpenak eskatu zizkion hari. "Datuak suntsitu egin zituztela esan ziguten", argudiatu du Facebookeko presidenteorde Paul Grewalek. Ordea, gerora jakin denez datu horiek erabili egin zituzten 2016an Donald Trumpen presidentetzarako kanpaina prestatzeko.

Orain, milioika dolarreko isuna jaso lezake Mark Zuckerbergek zuzentzen duen enpresak, erabiltzaileei buruzko informazioa zabaltzeagatik. Dena den, lehendik ere salaketa ugari izan ditu enpresa horrek, besteak beste, albiste faltsuak zabaltzeagatik. Iazko irailean, esaterako, iragarki politikoak kontratatzeko sortutako gezurrezko 470 kontu identifikatu zituzten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna