Zergak

Tasa bat erraldoi digitalei

Google, Facebook, Twitter, Airbnb eta oro har negozioa nagusiki sarearen bidez egiten duten konpainia handiek diru sarreren %3 ordaintzea proposatu du Europako Batzordeak, sozietate zergaren erreforma sakonago bat indarrean jarri arte.

Google konpainia teknologikoaren logotipoa, Indian egindako ekintzailetza goi bileran.
Google konpainia teknologikoaren logotipoa, Indian egindako ekintzailetza goi bileran. JAGADEESH NV / EFE

Ivan Santamaria -

2018ko martxoak 21

Europako Batzordeak gaur goizean aurkeztu du multinazional teknologiko handien zergapetzea aldatzeko proiektua. Sozietate zergaren arau klasikoek ez diote behar bezala erantzuten esparru digitalaren loraldiari, Bruselaren aburuz. Konpainia digitalek batez beste irabazien %9,5 ordaintzen ari dira zergetan, eta negozio eredu tradizionala dutenek, %23,2. Laburbilduz, konpainia berri horien mozkinen parte handi batek ihes egiten dio zergapetzeari.

Egoera horri buelta eman ahal izateko, bi urrats dituen prozesu bat proposatu die Europako Batzordeak estatu kideei. Egokiena litzateke luzera begira sozietate zerga ezartzeko arauak —orain dela mende bat jarri zirenak— sakonean gaurkotzea, enpresa baten presentzia fisikoa eta digitala parekatzeko asmoarekin. Baina eguneratze hori egiten den bitartean, behintzat enpresa digitalei tasa bat ezartzeko ideia du Bruselak.

Tasa horrek iraultza txiki bat dakar sozietate zerga ulertzeko moduan. Gaur gaurkoz, konpainiak zergapetzeko erreferentzia irabaziak dira. Hau da, enpresa batek zergak ordaintzen ditu soilik irabaziak baditu, eta horien parte bat zergapetzen dute ogasunek. Bruselak proposatu duen tasak diru sarrerekin izango luke lotura. Irabazietan oinarritutako eredu bat uneotan ez dela posible argudiatu du, justifikatzeko.

150 enpresa jopuntuan

Nork ordainduko luke tasa? Diru sarrerak sortzeko prozesuan erabiltzaileen parte-hartzeak garrantzia duen esparruak zergapetu nahi dira: publizitate salmentak, ondasun eta zerbitzuen salerosketarako bitartekaritza, edo erabiltzailearen datuen salmentatik lortutako fakturazioa. Mundu osoan gutxienez 750 milioi euroko eta Europako Batasunean 50 milioi euroko diru sarrerak dituzten konpainiei ezarriko litzaieke.

Pierre Moscovici Finantza eta Ekonomia Gaietarako komisarioak azaldu du120 eta 150 konpainia bitarte ordaindu beharko dutela tasa berria, eta estatu kideek gutxienez 5.000 milioi euro bildu ahalko dituztela, diru sarrerei %3ko tasa jarrita.

Luzera begirako planteamendua ere aurreratu du Moscovicik. Gaur egun, konpainia batek presentzia fisikoa izan behar du lurralde batean, bere jarduera zergapetu ahal izateko. Uneotan Bruselaren hurbilketa da irabazia lortzen den lekuan ordaindu behar direla zergak, eta, hori dela eta, negozio baten presentzia digital adierazgarria non dagoen neurtzeko aldagaiak ezarri nahi ditu.

Zerbitzu digitalen salmentarekin 7 milioitik gorako diru sarrerak izatea, 100.000 erabiltzaile baino gehiago edukitzea, eta sare bidezko 3.000 negozio kontratu baino gehiago sinatzea lirateke mugak. Horietako bat betetzen duten konpainiek zergak ordaindu beharko lukete, dagokien lurraldean.

Publizitate bidez negozioa egiten duten bilatzaileak eta sare sozialak (Google edo Facebook), bitartekaritza egiten duten plataforma digitalak (Airbnb), edo streaming bidezko zerbitzuak eskaintzen dituztenak (Spotify) zergapetuko lituzke eredu berriak, eta baita ere erabiltzaileen datuen salerosketatik negozioa egiten duten guztiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Jendea kalean asteon, Gasteizen. ©JAIZKI FONTANEDA / FOKU

Tutera eta Ordiziako kasuen oldarraldien harira, adi ibiltzeko eskatu dute

Arantxa Iraola

Sorburua Ordizian duten 69 kasu agertu dira; Tuterakoarekin zerikusia dutenak 31 dira. «Transmisio komunitarioa» egiaztatzeko dago beste hainbat tokitan; ikertzen ari dira

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna