Bizigiro

'Hide' bat ipiniko dute larunbatean Bertizen

Parke naturalean jarriko dute fauna behatzeko gordelekua, Markategiko parajean.

Bertizko Jaurerria, artxiboko argazki batean. /
Bertizko Jaurerria, artxiboko argazki batean. / IƱigo Uriz/Argazki Press

Berria -

2018ko martxoak 21

Ingurumen-hezkuntzarako erabili nahi dute hide-a. "Ikasleek eta parkea bisitatzen dutenek aukera izango dute Eskualdeko Atlantikoko baso hegazti nagusiak ikasteko eta behatzeko", esan du Nafarroako Gobernuak. Larunbatean Basoen Mundu Eguna ospatuko dute —gaur da berez—, eta egun hori baliatuko dute azpiegitura berria inauguratzeko.

Horren aurretik, asteburuan, hitzaldiak, tailerrak etabar egingo dituzte Bertizgo Jaurerriko Parke Naturalean. Basoa bera ezagutzera ematea da horien asmoa. Larunbatean, Zuhaitz zaharrak eta horien garrantzia basoetan hitzaldia emango du Oscar Schwendtn Zuhaitz Zaharren Lagunak Elkarteko kideak, goizeko bederatzietan. Ordubete geroago, Gaztainadia: egungo egoera eta etorkizuneko aukerak hitzaldia emango du Josefa Fernandez Mendietako ingeniaria eta Galiziako Xuntako Baso Ikerketa Zentroko Selbikultura eta Hobekuntza Genetikoa Departamentuko buruak. 11:15ean beste hitzaldi bat izango da: Bertiz, okilen erresuma. Miguel Mari Elosegik emango du, Nafarroako Natura Inguruneko Zerbitzura atxikitako biologoak.

Hori guztia amaitu ostean inauguratuko dute hide-a. Hormigoizko orube baten gainean jarriko dute egurrarekin eraikitako egitura. 4,5 m x 3,0 metroko azalera du eta 2,15 metroko garaiera. Kristalezko leihoak ditu, eta kristalik gabeko irekiera batzuk, argazkiak ondo atera ahal izateko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna