Ekialde Hurbila

Hemezortzi palestinarren hilketa ikertzeko eskatu du Arabiar Ligak

Nazioarteko Zigor Auzitegira jotzearekin batera, Israelen erasoaldia ikertuko duen batzorde independente bat osatzeko eskatu diote NBEri.

Liskarrak izan dira gaur ere Gazako mugan. /
Liskarrak izan dira gaur ere Gazako mugan. / Mohammed Saber/EFE

Berria -

2018ko apirilak 3

Israelek 18 palestinar hil zituen joan den ostiralean Gazan eta Zisjordanian protestan ari ziren milaka laguni erasota. Hori dela eta, Arabiar Ligaren larrialdiko bilera eskatu zuen Palestinako Aginte Nazionalak, eta hark Nazioarteko Zigor Auzitegira jo du. Auzitegiari eskatu dio iker ditzala joan den ostiraleko hilketak. 

Aldi berean, Arabiar Lig osatzen duten herrialdeek eskatu diote Nazio Batuen Erakundeari gertatutakoa ikertzeko batzorde independente bat sor dezala, eta egin ditzala urratsak hilketen erantzuleak epaitzeko.

Ligak berretsi du palestinarrek eskubidea dutela okupazioaren aurka borrokatzeko eta baita ekintza baketsuak egiteko ere. Harekin bat etorri da Human Rights Watch erakundea ere, eta salatu du palestinarren hilketak "legez kanpokoak" eta "aldez aurretik prestatuak" izan zirela. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna