ipar euskal herria

Jean Rene Etxegarai, Alkartasuna saridunen artean

Laurence Hardouin, Anje Duhalde eta Marie Ange Thebaud ere omenduko ditu EAren fundazioak, hilaren 21ean, Baionan.

Jean Rene Etxegarai Euskal Elkargoko lehendakaria eta Baionako auzapeza, iazko abenduan, herriko etxean.
Jean Rene Etxegarai Euskal Elkargoko lehendakaria eta Baionako auzapeza, iazko abenduan, herriko etxean. Coralie Migne

Berria -

2018ko apirilak 4

EAren Alkartasuna fundazioak aurten Jean Rene Euskal Elkargoko lehendakari eta Baionako auzapeza, Laurence Hardouin abokatu eta migratzailea, Anje Duhalde abeslaria eta Marie Ange Thebaud ekologistari emango die Alkartasuna saria, hilaren 21ean, Baionan. Fundazioaren esanetan. Euskal Herriko bakegintza eta normalizazioa bultzatzeagatik omenduko du Etxegarai, erbesteratu eta asiliatuen eskubideen defendatzailea izateagatik Hardouin, euskal rock eta folkaren aitzindari eta euskal kantutegiko autore klasiko bilakatu delako Duhalde, eta osasun eta kontsumitzaileen aldeko ekintzailea izateagatik Thebaud.

Alkartasuna sarien bitartez, EAren fundazioak Euskal Herriko nortasuna, askatasuna, garapena eta kohesioaren alde lan egiten duten pertsonen ibilbidea goraipatu nahi du. Seigarren edizioa du aurtengoa.

Le Bayonne hotelean izango da hilaren 21eko ekitaldia, 11:00etan. Nestor Basterretxea zenaren Zazpiak Bat domina bana jasoko dute saridunek.