Brasil

Istilu artean sartu da espetxera Lula

Jendetza joan da Curitibako Polizia Federalaren egoitzara, eta tentsio une handiak izan dira presidente ohia entregatu denean.

Lula, goizaldean, Poliziaren esku. /
Lula, goizaldean, Poliziaren esku. / Antonio Lacerda/Efe

Berria -

2018ko apirilak 8

Ustelkeria delituengatik, Luiz Inacio da Silva Lula kartzelan sartu da goizaldean. Azken bi helegitek ez dute biderik egin, eta Brasilgo presidente ohiak bere burua entregatuko zuela iragarri zuen atzo arratsaldean. Hamabi urteko kartzela zigorrari aurre egin beharko dio.

Azken orduak metalgintzako sindikatu baten egoitzan gotortuta eman zituen, Sao Paulon. Handik atera eta poliziarengana entregatzea erabaki zuen azkenean. Curitiba hirian aurkeztu da goizaldean, Polizia Federalaren esku bere burua utziz. 

Hegazkinez egin zuen harako bidea, eta Poliziaren egoitzaren aurrean, ehunka lagunekin egin zuen topo. Bere kontrako eta aldekoak zeuden han, denak oihuka eta aldarrikapenak egiten. Poliziak gasak jaurti zituen Lularen aldekoen kontra. Kontrakoek su artifialekin ospatu zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna