SNCF-ko greba

Ipar Euskal Herriko tren gidarien artean %100koa da gaur grebaren erantzuna

Sindikatuek %80ko erantzuna iragarri dute gaurko, "greba historiko bat".

SNCFko langileak, Miarritzeko batzarrean, goizean. /
SNCFko langileak, Miarritzeko batzarrean, goizean. / Ekhi Erremundegi Beloki/Iparraldeko Hitza

Ekhi Erremundegi Beloki -

2018ko apirilak 9

SNCFko langileek laugarren greba eguna dute gaurkoa, eta erantzun handia espero dute Euskal Herrian. Goizean batzarra egin dute Miarritzen, eta, han jakinarazi dutenez, Iparraldeko tren gidari guztiek bat egin dute grebarekin. Hala, espero dute %80k egitea greba  Euskal Herrian. Ekhi Erremundegi BERRIAko eta Iparraldeko Hitza-ko kazetaria ari da gaurko egunaren berri ematen.

"Mugimendu handi bat sortzera goaz, Frantziako Gobernua gibelaraziko duena", esan dute Miarritzeko batzarrean langileek. 150 bat bildu dira han, eta banan-banan bozkatzen ari dira grebari jarraipena ematea. Hiru hilabeteko mobilizazioa aurreikusia dute Frantziako Gobernuaren erreformari buru egiteko.

Joan den asteartean hasi zuten greba SNCFko langileek. Gatazka "gogorra" espero dute sindikatuek, Macronen gobernuak adierazi baitu ez duela atzera egingo SNCFren erreformaren gakoetan. Tren bidaiarien liberalizazioa dago: Europako Batasunaren eskakizunei jarraikiz, gobernuak ordenantza bidez aldatu nahi ditu langileen estatusa eta SNCF enpresa publikoarena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna