Aste hasieran iragarri zen Donald Trump presidenteak prest zegoela Siria bonbardatzeko. Esan eta egin. Egun gutxi batzuk nahikoak izan ditu Frantziaren eta Erresuma Batuaren adostasuna lortzeko, eta gaur goizaldean hirurek batera ekin diote bonbardaketei. Sirenek eman dute bonbardaketen abisua hiriburuan.
[youtube]https://youtu.be/7Wf-6kF3Jm4[/youtube]
Washingtonek berak adierazi duenez erasoa "bakarra" izan da. Misilek hiru eraikin suntsitu dituzte, hirurak ere arma kimikoak garatzeko erabiltzen zirenak, AEBen arabera. Haietako bat Damaskotik gertu kokatutako ikerketarako laborategi bat, eta beste biak Homsetik gertu zegoen bi arma biltegi zirela adierazi dute AEBetako iturriek. Hiru zauritu egon litezke erasoaldian.
Trumpek txalotu egin du "bonbardaketa perfektua" eta eskerrak eman dizkie Frantziari eta Erresuma Batuari laguntza militarragatik: "Ezinezkoa zen emaitza hobea lortzea! Egin dugu egin beharrekoa!".
A perfectly executed strike last night. Thank you to France and the United Kingdom for their wisdom and the power of their fine Military. Could not have had a better result. Mission Accomplished!
— Donald J. Trump (@realDonaldTrump) 2018(e)ko apirilak 14
Agintarien argudioen artean da apirilaren 7an eraso kimiko bat egin zuela Al-Assaden erregimenak Douma hirian, eta halakorik gehiago gerta ez dadin erabaki dutela esku hartzea. Ordea, Arma Kimikoak Debekatzeko Erakundeak gaur zen ikertzen hastekoa. Parisek eta Londresek, baina, adierazi dute informazio zerbitzuek berretsi dutela erasoa egon zela.
Erresuma Batuko lehen ministroak, Theresa Mayk, onetsi egin du erasoa esanez "indarra erabiltzen dutenei erantzuteko modu bakarra" dela hori. Harekin bat etorri da Boris Johnson Atzerri ministroa ere eta ohartarazi du nazioarteak ez duela onartuko arma kimikoak erabiltzea, "are gutxiago zibilen aurka".
Pentagonoko buru James Mattisen arabera, ez dago aurreikusirik Siriaren aurkako beste bonbardaketarik, "oraingoz". Dena den, ez dute baztertzen aurrerago gehiago egitea, Bashar al-Assadek "arma kimikoak erabiltzearekin tematuta" jarraitzen badu.
Nazioartearen babesa
Errusiak gogor kritikatu du bonbardaketa, eta "mendebaldeko komunikabideak" egin ditu erantzule, esanez haiek zabaldutako irudi eta informazioetan oinarritu direla AEBak bonbardaketak egiteko. Siriako Gobernuak, bestalde, Al-Assaden irudiak zabaldu ditu goizekoak direla esanez, eta argi utziz estatuburuak ohiko agendari eusten diola erasoak eraso.
ØµØ¨Ø§Ø Ø§Ù„صÙÂÂÂÂ…Ùˆد..
— Syrian Presidency (@Presidency_Sy) 2018(e)ko apirilak 14
رئاسة اÙ„جÙÂÂÂ…هورÙŠة اÙ„عربÙŠة اÙ„سÙˆرÙŠة pic.twitter.com/hhIZT6cOTe
Erasoaldia salatu duen estatu bakarretako bat izan da, ordea, hura. Izan ere, potentzia nagusiek bat egin dute Washingtonekin. Besteak beste, Israelek, Australia eta Japoniaren babesa jaso dute AEBek, eta baita NATOrena ere.
