Soldata arrakala

Jaurlaritzari bilera eskatu dio ELAk soldata arrakala jorratzeko

Emakundek autonomia gehiago eduki eta Arartekoaren antzeko estatusa izan dezala eskatu dio Jaurlaritzari ELAk.

Marisol Ramirez / Foku

Lander Muñagorri Garmendia -

2018ko apirilak 16

Soldata arrakalaren gaia lantzeko Eusko Jaurlaritzak deitutako mahaia ostegunean bilduko da berriz ere. Baina ez dira bertan egongo ELA eta LAB sindikatuak. “Ez da arazoaren muinera iristen”, azaldu du Leire Txakartegi ELAko genero berdintasunaren arloko arduradunak. Sindikatuak hasieratik egin zion muzin biltzeari, baina gaur bilera batera dei egin dio Eusko Jaurlaritzari, eta prentsaren aurrean aurkeztutako 32 neurri eztabaidatzeko gonbidapena egin dio. Izan ere, Hego Euskal Herrian soldata arrakalak sustrai sakonak dituela erakutsi dute sindikatuak eskainitako datuek: Araba, Bizkai eta Gipuzkoan emakumeek urtean 7.552 euro gutxiago irabazten dituzte urtean, eta Nafarroan, 8.164 euro gutxiago. “Jaurlaritzak deitutako mahaian Confebaskek esan zuen ez dagoela soldata arrakalarik, abiapuntu okerra beraz”.

Jaurlaritzarekin eztabaidatu nahiko lituzkeen 32 neurrien artean batzuk nabarmendu ditu Txakartegik. Batetik, Emakunderi izaera autonomoagoa eskaintzea, “Arartekoaren antzeko estatusa”. Horretaz aparte, kalitatezko enpleguak sustatzeko politikak eta lan ikuskaritzan “zigor eredugarriak” ezar ditzatela ere eskatu du. “250 langiletik gorako enpresetan benetako berdintasun planak eskatzen ditugu, neurri eraginkorrak bilduko dituena”. Baina, Jaurlaritzari berari dagokionez, administrazioak azpikontratetan ahalmen handiak dituela gogorarazi du sindikatuko ordezkariak, eta horietan emakumeek betetzen dituzten lanpostuei balio handiagoa emateko eskatu dio. Zaintzarako neurri publikoak ere mahai gainean jarri ditu ELAk.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna