Gipuzkoako Foru Aldundiak Zubietan eraiki asmo duen erraustegiaren kontra mobilizatu dira Gipuzkoako herri ugaritan. Osasun etxeen parean elkartu dira, errausketak osasunarentzat dituen arriskuez ohartarazteko eta aldundiari erraustegiaren proiektua geldiaraz dezala eskatzeko.
Ehunka lagun elkartu dira, besteak beste, Donostian, Legazpin, Villabonan, Hernanin, Bergaran, Lasarte-Orian, Pasaian, Andoainen, Iruran, Mutrikun, Oiartzunen, Tolosan, Zarautzen, Zumaian eta Usurbilen.
