Lan harremenak

Cebek "erabateko prekarizazioaren alde" dagoela dio LABek

Sindikatuko idazkari nagusi Garbiñe Aranburuk uste du "penagarria" dela Bizkaiko patronalak esatea enplegu publikoaren eskaintzak ekintzailetza oztopatzen duela.

Garbiñe Aranburu, LABeko idazkari nagusia. MARISOL RAMIREZ / FOKU
xabier martin
2018ko apirilaren 19a
12:21
Entzun

"Mozkinak ateratzen jarraitzeko", Cebek Bizkaiko patronalak "lan merkatua erabat prekarizatzeko apustua" duela esan du LABeko idazkari nagusi Garbiñe Aranburuk. Cebekeko presidente Iñaki Garcinuñok atzo esan zuen enplegu publikoaren eskaintza zabalak oztopatu egiten duela ekintzailetza; patronaleko buruak uste du datozen urteetan aurreikusita dauden EPEek ez dutela lagunduko ekintzailetzan. "Penagarriak" dira hitz horiek, Aranbururen ustez.

Maiatzaren Lehenerako LAB sindikatuak egin duen plangintza plazaratzeko agerraldia egin du gaur goizean zuzendaritzak, baina Cebekek atzo esandakoei ere erantzun die sindikatu abertzaleak. "Patronalak zer-nolako herrialde eredua nahi duen islatu dute". Enplegu pubikoaren eskaintza "lehiakide gisa" ikusten du patronalak, Aranburuk dioenez, "atal pribatuan lan harremanen eredu basati bat bultzatzen jarraitu nahi dutelako, erabateko prekarizazioa egon dadin".

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.