Lehiaketa

Bozkatu 'Bertsomovieda' onena

Hamar lan aurkeztu dituzte aurtengo lehiaketara, lau helduen mailan eta sei gazteenean. Bideoa: iazko irabazlea.

Arantxa Elizegi Egilegor -

2018ko apirilak 23

Zazpigarren edizioa du aurtengo Bertsomovieda-k, eta, lanak aurkezteko epea amaituta, hamar lehiakideren artean aukeratzeko tartea izango da datorren ostirala bitartean. Antolatzaileek bi kategoriatan banatu dituzte lanak: gazteena eta helduena.

Sei lan aurkeztu dituzte lehen kategorian, eta lau bigarrenean. Gazteen kategorian 300 euroko saria eramango du irabazleak, eta milakoa helduen mailan. Horretaz gain, ikusleen saria, bertsorik onenei emandako saria, eta bi sari berezi ere banatuko dituzte.

Aurkeztu direnen artean daude iazko lehiaketako irabazleak, Txakur Gorria osatzen duten Nerea Ibarzabal, Mariñe Arbeo, Malen Amenabar eta Ane Labaka, Dastatu lanarekin.

Badira, ordea, bestelakoak ere. Esaterako, gazteen atalean aurkeztu dute Zertarako ezkutatu? lana, zeinak bazterketa, autoestimua eta bullyng-aren gaia lantzen dituen.

Horiek aurkeztu dituzten lanetatik bi adibide besterik ez dira, hala ere. Lan guztiak Bertsomovieda.com webgunean daude ikusgai, eta bozkatu ere bertan egin daiteke. Sari banaketa, berriz, maiatzaren 3an egingo dute, Igartza jauregian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: