Kontsumo prezioen indizea

Inflazioa %1era apaldu da apirilean

Gorabehera handirik gabe hazkunde maila beretsuarekin jarraitzen dute prezioek Hego Euskal Herrian. Iazko urteko apiriletik kontsumo gaien salneurria %1 garestitu da, eta %0,8 martxotik apirilera.

Arraina iazko apirilean baino garestiago salerosi da aurten.
Arraina iazko apirilean baino garestiago salerosi da aurten. Jon Fernandez

Irune Lasa -

2018ko maiatzak 11

Inflazioa %1ekoa izan zen otsailean, %1,1ekoa martxoan, eta apirilean hamarren bat jaitsi eta atzera %1era itzuli da. Aldaketa esanguratsurik gabe, prezioek goranzko joera apalarekin jarraitzen dute Hego Euskal Herrian, Europako Banku Zentralak ezarrita duten %2ko inflazio helburutik nabarmen behera, oraindik ere. Iazko urtearekin alderatuta, apirilean gehiago garestitu diren sektoreak komunikazioak, garraioa eta elikagaiak izan dira, telefono dei, erregai eta arrain garestiagoen ondorioz. Beherantz aisialdi eta kulturako gaien prezioak jaitsi dira gehien, iazkoak baino pakete turistiko merkeagoengatik.Hilabeteko tartean, prezioen igoeran %0,8koa izan da.

Herrialdeka, Gipuzkoan da altuena inflazioa, %1,2ko tasarekin eta Bizkaia dator hurrengo, %1eko hazkundearekin. Nafarroan igoera %0,9koa izan da, eta Araban %0,8koa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna