Richard Carapazek (Movistar). bere ibilbideko garaipenik garrantzitsuena lortu du, Giroko zortzigarren etapan, Montevergine di Mercoglianoko gainean irabazita. Azken kilometro eta erdian ausart eta lotsagabe jo zuen erasoa, eta indarrak hustuta zegoen Koen Bouwmani (Lotto Jumbo) ziztu bizian hartu dio aurre. Pedal kolpe bizia erakutsiz gailendu zen. Sailkapen nagusian ez da aldaketarik izan, eta Simon Yatesek segitzen du elastiko arrosarekin, eta faborito guztiak irabazlearengandik zazpi segundora helmugaratu dira. Tartean izan da, lehen euskal herritarra: Pello Bilbao (Astana)
Eguneko ihesaldia zazpi txirrindularik osatu dute: Davide Villellak (Astana), Tosh Van der Sandek (Lotto Soudal), Matteo Montagutik (AG2R), Rodolfo Torresek (Androni), Matej Mohoricek (Bahrain), Bowmanek eta Jan Polancek (UAE),
Ihesaldiari bidea egiteko baimena eman dio tropelak. 30 kilometro falta zirenean lau minutu eta erdi inguruko errenta zuten. Baina euria gogotik botatzen hasi du eta horrek tropela suspertu du. Handik aurrera, Michleltonekin batera, Groupama eta Katusha lanean hasi ziren, eta hala segundoak bata bestearen atzetik galtzen joan zen aurreko zazpikoa.
Montevergine igotzen hastean, 17 kilometro falta zirenean, 2.27ko errenta zuten. Baina tropelak ez du barkatu. Azken bi kilometroetan Bouwman zihoan aurretik, lan nekaezina eginda, eta oso gertu Montaguti. Etapa ia oso ihes eginda, merezi zuten garaipena. Baina hor iritsi da Carapazen erasoa, eta haien ametsa ezer ezean geratu zen. Bihar etapa menditsua izango da, Apeninoetan. Gran Sasson amaituko da.
