Mendia

Everest 22 alditan igo du Kami Rita xerpak, eta marka berria ezarri

24 urte zituen lehen aldiz igo zenean, eta geroztik ia urtero igo da munduko mendirik garaienera.

Kami Rita sherpa. /
Kami Rita sherpa. / Narendra Shrestha/EFE

Arantxa Elizegi Egilegor -

2018ko maiatzak 16

Beste hiru aldiz igo nahi du Kami Ritak Everest mendira, 8.850 metroko garaierara, eta 25 igoaldiko marka ezarri. Ritak 48 urte ditu, eta 22 alditan igo du gailurra: 24 zituenean lehen aldiz, eta atzo bertan azkenengoz.

Orain arte hiru ziren gailurra 21 aldiz igo izanaren marka zutenak, Rita bera eta Apa eta Purba Tashi xerpak. Lehena erretiratua dago, eta AEBetan bizi da, eta bigarrenak, igoerak alde batera utziak dituen arren, bidaiak antolatzen egiten dut lan.

Nepalen ohiko bizibidea da mendia. Ritaren aita izan zen inguru hartako lehenengotariko mendi gidaria, 1950eko hamarkadan herrialdeak atzerritarrei mugak ireki zizkienean. Ritak berak atzerriko mendizaleei laguntzen egiten du lan, ez soilik Everesten, baita K-2n, Cho-Oyun, Manaslun eta Lhotsen ere.

Lehen emakumea

Junko Tabei japoniarra izan zen Everest igo zuen lehen emakumezkoa. 1975eko maiatzaren 16 batean heldu zen gailurrera, duela 43 urte. Edmund Hillary eta Tenzing Norgay mendizaleek 1953an egindako bide bera egin zuen haren taldeak, eta arazorik gabe heldu ziren tontorrera. Ordea, beherako bidean elur jauzi batek harrapatu zituen. Erreskate taldeek onik atera zituzten denak.

Tabei izan zen, baita ere, munduko zapzi gailur altuenak igo zituen lehen emakumezkoa, 1992an.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna