Zergak

Bizkaiko Ogasunak %7,1 gehiago bildu du apirilera arte

Aurreikuspenaren gainetik doa ogasunen bilketa, Arabakoa %6,9 eta Gipuzkoakoa %10,9 igo baitira.

Jose Maria Iruarrizaga Bizkaiko Ogasun diputatua eta Unai Rementeria ahaldun nagusia, artxiboko argazki batean.
Jose Maria Iruarrizaga Bizkaiko Ogasun diputatua eta Unai Rementeria ahaldun nagusia, artxiboko argazki batean. MARISO RAMIREZ / FOKU

Xabier Martin -

2018ko maiatzak 16

Bizkaiko Ogasunaren bilketa ezagutzea falta zen ogasunek apirilera arte zergen bidez jasotakoa urte amaierako helburuaren gainetik doala berresteko. Bizkaiak %7,1 gehiago bildu du, 2.788, 7 milioi euro. Aurreko urteko lehen lauhilekoan baino 183,8 milioi gehiago bildu ditu. Apirileko bilketak jasotzen du dagoeneko beste bi aldundiekin egindako lehen doikuntza; horren bidez, Bizkaiak 209,9 milioi euro ordaindu dizkio Gipuzkoari, eta 81,8 milioi Arabari.

Edonola ere, ogasunen bilketaren hazkundea urte amaieran finkatu den helburutik gora dabil apirilera arteko datuetan. Gipuzkoak lortu du igoera handiena, %10,9ko hazkundearekin; Arabak, berriz, %6,9koa izan du. Zerga zuzenek eragin dute gehien Bizkaiaren hazkundean; %10 igo dira horiek (+124 milioi euro). Errenta zergak %5,7ko igoera izan du (1.211,5 milioi euro), eta Sozietate zergak %34koa (136,3 milioi euro). Zeharkako zergen bilketak ere gora egin du, bestalde, %6,6 hain zuzen, 1.276,8 milioiko kopurura arte (+78,5 milioi).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna