Euskara

Abian da Udaltop, Euskaraldia ardatz

Gaur eta bihar egingo dituzte topaketak, Lasarte-Orian (Gipuzkoa). 270 lagun inguru elkartu dira.

Jendea, Lasarte-Orian, Udaltop jardunaldietan. /
Jendea, Lasarte-Orian, Udaltop jardunaldietan. / @udaltop

Berria -

2018ko maiatzak 17

Hamargarren edizioa du aurten Udaltopek, eta datorren urteko Euskaraldia izango dute ardatz. Bihar egingo dute Euskaraldiaren aurkezpena, baina Elena Laka Topaguneko lehendakariak gaurko aurkezpenean ere esan du "ilusioa" sortzen ari dela ekimena. Jesus Zaballos Lasarte-Oriako alkateak, Jon Antxordoki Udaleko Euskara Batzordeko lehendakariak, Markel Olano Gipuzkoako ahaldun nagusiak eta Bingen Zupiria Jaurlaritzako Kultura eta Hizkuntz Politikako sailburuak ere hartu dute parte irekiera ekitaldian.

Azken horrek herri mugimenduen lana goretsi du aurkezpenean: "Gizarte ekimenik gabe lortutakoa ezinezkoa litzateke". Euskaraldiaren lehen helburuetako bat jada bete dela nabarmendu du: "Jatorri eta pentsamendu ezberdinetako hainbat lagun elkarrekin ari gara lanean, buru-belarri, 11 egun horiek prestatzeko". Ekimena arrakastatsua izango dela aurreikusten du, gainera: "Euskaraldia tresna eraginkorra izango da euskararen erabileran pausoak emateko eta hizkuntza ohiturak aldatzen hasteko. Eta hori da gure hizkuntzak gaur gaurkoz behar duena".

Bi egunez elkartuta egongo dira Lasarten Udaltopera batzea erabaki duten 270 lagun inguru. Hasteko, elebidun izateak ematen dituen abantailen inguruan aritu da Colin Williams Cardiff Universityko Welsh School-eko Sozioliguistikako ikerketa irakaslea; eta gero, hainbat udaletako jarduerak ezagutu dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna