Petrolioa

Petrolio upelak 80 dolarren langa hautsi du

Azken lau urteetako preziorik garestiena du Brent upelak, AEBek Irani jarritako zigorrek hauspotuta.

Petrolio ustiategi bat Ipar Itsasoan, Norvegan.
Petrolio ustiategi bat Ipar Itsasoan, Norvegan. HAKON MOSVOLD LARSEN / EFE

Jon Fernandez -

2018ko maiatzak 17

2014ko abendura egin behar da atzera Brent petrolio upela hain garesti topatzeko. Ordutik, lehenengo aldiz gainditu du gaur Brent upelak 80 dolarreko langa. Upela garestitzen ari da, apurka-apurka, 2016az geroztik, baina azkenaldian nabarmen egin du gora prezioak, batez ere bi aldagaik bultzatuta: AEBek zigorrak jarri dizkiotelako berriz ere Irani, eta Venezuelako krisiak herrialdeko petrolio ustiapena murriztu duelako.

Inbertsiogileak beldur dira mundu mailan petrolio hornidura motz geratuko ote den, Venezuelaren eta Iranen ekoizpena txikitzearen ondorioz. Donald Trumpek itun nuklearraren inguruko akordiotik atera du bere herrialdea, eta Iranen kontrako zigor ekonomikoak iragarri ditu. Erreakzioak berehala etorri dira: Total petrolio konpainia frantziarrak, esate betareako, atzo iragarri zuen bertan behera utziko duela Irango South Pars 11 proiektua —munduko gas hobi handienetako bat—. Totalek azaldu duenez, bere finantzaketaren %90 AEBetako erakundeetatik jasotzen du, eta ez du nahi finantzaketa arriskuan jarri Iranen lanean jarraituta.

Brent petrolio upelak goia jo zuen 2014ko udan, 116 dolarretara ailegatuta; harrezkero, gehiegizko eskaintzak eraginda, hondoratu egin zen prezioa, 2016ko urtarrilean 28 dolarreko minimoa jota. Upelaren ordaina igotzeko asmoz, produkzioa murriztea erabaki zuten Errusiak eta LPPE Lurralde Petrolio Esportatzaileen Erakundeko kideek, Saudi Arabia buru. Ekoizpena mugatuta jarraitzen dute herrialdeoak, eta upelaren prezioak gora egin du poliki-poliki azken urtean. Halaber, urre beltza garestitu ahala, berriro indartu da AEBetako sektorea, haustura hidraulikoaren teknikoa darabilena, eta marka historikoetara igo du ekoizpena, egunean 10 milioi upeletik gora ekoitziz. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna