Espainia

Eduardo Zaplana atxilotu du Guardia Zibilak, kapitala zuritzea egotzita

Espainiako Gobernuko bozeramaile ohi eta Lan ministro ohiaren etxebizitza miatzen ari da Polizia. Zaplanari leporatzen diote kapitala zuritzea, funtsak desbideratzea eta diru publikoaren erabilera bidegabea egitea. Beste bost lagun atxilotu dituzte.

Eduardo Zaplana Espainiako Gobernuko bozeramaile ohia, artxiboko irudi batean. /
Eduardo Zaplana Espainiako Gobernuko bozeramaile ohia, artxiboko irudi batean. / Angel Medina G./EFE

Berria -

2018ko maiatzak 22

Hainbat hedabidek iturri judizialak aipatuz adierazi dutenez, Guardia Zibilak uste du Zaplanari leporatzen zaizkion delituek lotura dutela legez kanpoko esleipenekin eta haien truke kobratutako eskupekoekin. Lortutako diru beltza paradisu fiskaletatik Espainiara eramatea egozten zaio. Legez kontrako kontratu gehienak Zaplana Valentziako Generalitateko presidente izan zen garaikoak lirateke, 1995 eta 2002 artekoak.

Operazio berean, beste bost lagun atxilotu ditu Poliziak. Horien artean, Vicente Cotino enpresaria. Cotino ustelkeriarekin lotutako beste zenbait auzitan ere ikertua izan da.

Operazioa Valentziako (Herrialde Katalanak) 8. Instrukzio Epaitegiak gidatu du, eta irekita jarraitzen du oraindik. El País egunkariak adierazi duenez, operazioak ez du loturarik orain arte PPri eta alderdiko hainbat kideri egotzi zaizkien beste ustelkeria kasuekin.

Zaplana Espainiako Lan ministro izan zen Jose Maria Aznar presidentea zen garaian, 2002 eta 2004. urteen artean. Gobernuko bozeramaile ere izan zen 2003 eta 2004. urteetan. Horrez gain, PPko bozermailea izan zen Espainiako Kongresuan, 2004 eta 2008. urteen artean. Espainiako Gobernuko kide izan aurretik, Valentziako Generalitateko presidente izan zen (1995-2002), baita Benidormeko (Valentzia) alkate ere (1991-1994).

Ibilbide politikoa 2008. urtean eten zuen Zaplanak, urte hartako hauteskundeetan diputatu aukeratua izan eta aste gutxira. Telefonicaren Europako ordezkari izendatu zuten.

PPko ministro ohia Lezo kasuan ere ikerketapean izan da, Madrilgo presidente ohi Ignacio Gonzalezekin egin asmo zituen eragiketa ekonomiko batzuk tarteko. Poliziaren arabera, Zaplanak eta Gonzalezek Uruguaiko enpresa bat erostea adostu zuten, ustez, Gonzalezek legez kanpoko kontratuen bidez lortutako eskupekoak zuritzeko.

Fernando Martinez-Maillo PPko koordinatzaile nagusiak iragarri du alderdiak Zaplana kanporatuko duela gaur bertan, kautelazko neurri gisa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna