Literatura

'Zuloa' saiakera bilduma plazaratu du Xabier Gantzarainek

Hautatutako 23 artelanen bidez, Euskal Herriaren historia hurbilaz gogoeta egiten du egileak liburuan. Tene Mujika bekaren laguntzaz ondu du lana.

Xabier Gantzarain.
Xabier Gantzarain. Aritz Loiola / Foku

Ainhoa Sarasola -

2018ko maiatzak 29

Arte garaikidea zaila dela, ez dela ulertzen, artisten eta gizartearen artean amildegi handi bat dagoela... Ideia hori oso zabalduta dagoela iruditzen zaio Xabier Gantzaraini. Baina berak ez duela horrela bizi azaldu du, euskal artisten lanei begiratzean ez dituela beregandik urrun ikusten. Artea eta gizartea uztartzeko ariketa egin du Zuloa liburuan. 23 artelan hautatu, eta bakoitzetik abiatuta, historia hurbilaz, gizarte aldaketez, bizitzaz edota memoriaz hitz egiten duten 23 saio labur idatzi ditu, artelan bakoitzeko bat.

Ibon Aranberri, Txomin Badiola, Asier Mendizabal, Itziar Okariz, Saioa Olmo, Bixente Ameztoi, Jose Luis Zumeta, Jose Ramon Amondarain, Miriam Isasi... Horien eta beste hainbat euskal artistaren lanak aukeratu ditu Gantzarainek libururako. Artelanak aztertzeko ariketa horretan, ez duela artearen teoriarik azaltzen, eta zeregin horri arte ikusle baten lekutik heldu diola adierazi du. Artelanen bidez egin du historia hurbila aztertzeko saioa. 

Tene Mujika bekaren laguntzaz ondu du liburua, eta Elkar argitaletxearekin plazaratu.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna