Raul Garciak urtebetez luzatu du Athleticekin duen kontratua

Gutxienez, 2020ko ekainera arte ariko da erdilari nafarra talde zuri-gorrian. Kontratua luzatzeko klausula gauzatu dute berritzeko.

Marisol Ramirez / Foku

Jon Ander De la Hoz -

2018ko maiatzak 31

Athleticeko erdilari Raul Garciak (Iruñea, 1986) urtebetez luzatu du talde zuri-gorriarekin duen kontratua. Hala, gauzak ondo bidean, 2020ra arte ariko da Bilboko taldean. Klubak ohar bidez eman du akordioaren berri; 2019ko ekainean zen amaitzekoa kontratua, baina hura urtebetez luzatzeko klausula gauzatzea erabaki dute bi aldeek.

Garcia 2015-2016ko sasoian iritsi zen Athleticera, eta ordutik jokalari garrantzitsua izan da zuri-gorrien eskeman. Amaitu berri den sasoian 34 partida jokatu ditu Espainiako Ligan, eta 10 gol sartu ditu. Aurrez, Atletico Madrilen eta Osasunan aritu zen. Gorritxoekin egin zuen debuta lehen mailan, 2004-2005eko denboraldian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna