Albistea entzun

Sanferminak

Hasi dira Iruñean entzierroetarako hesiak jartzen

Hilabete osoa beharko dute ibilbidea osatzen duten 900 zutoinak jartzeko.

Langileak zutoinak prestatzen, artxiboko argazki batean./
Langileak zutoinak prestatzen, artxiboko argazki batean./ Idoia Zabaleta/FOKU

Berria -

2018ko ekainak 4 16:23

Normalean baino hiru egun geroago hasi dira Iruñean entzierroetarako hesiak jartzeko lanetan. Aldaz Anaiak zurgindegiko langileak gaur hasi dira lanean —ekainaren 1ean hasi ohi dira normalean—, eta uztailaren 6rako amaitzea espero da. Jarri beharreko hesietatik lehenak dagoeneko jarri dituzte plazako sarreran. Han amaitutakoan, Santo Domingora igaroko dira, eta handik beherantz jarraituko dute.

Denera, 900 zutoin, 2.700 ohol eta 2.500 ziri jarri beharko dituzte, uztailaren 7tik aurrera zezenen eta lasterkarien ibilbidea mugatuko duen hesia osatzeko. Arduradunek azaldu dutenez, materialaren %2 inguru berritu egin behar izan dute, urteekin egurra hondatuz doalako.

Datozen egunetan, bestalde, entzierroen ibilbidean dauden ibilgailuak mugiaraziko ditu Udaltzaingoak. Horretaz gain, plazan ezkutaleku berri bat egiten hasiak dira, eta baita argindarraren instalazioa berritzen ere.

Iruña festazalez betetzeko hilabete eskas geratzen den honetan, prestakizunak aurrera doaz. Joan den maiatzaren 16an ezagutu zen lehen aldiz jaiak iragarriko dtuen kartela: Iruñea, argien hiria izenekoa. Bertan, lehen aldiz, ez da ez zezenik eta santurik ageri, aldiz, erraldoiak dira protagonista.

Kartel irabazlearen egileak, Adriana Eransusek BERRIAri azaldu zion moduan bat-batean sortutako ideia baten ondorio izan zen kartela: "Uste dut kartel hau irekia dela: irekitzen zaio zeruari, izarrei, eta irekitzen zaio munduari".

Horretaz gain, apurka apurka egitaraua ere argituz doa. Uztailaren 8an Berri Txarrak taldearen Infrasoinuak diskoa entzuteko aukera izango da Foruen plazan.

Txupinazoa nork?

Uztailaren 6an suziria botako duenaren izena jakitea falta da oraindik, hala ere. Lau hautagaien artean bat aukeratu beharko dute herritarrek hilaren 21a bitartean egingo den bozketan. Motxila 21 musika taldea, Chrisallys haur eta nerabe transexualen gurasoen elkartea, Los Amigos del Arte musika elkartea eta Miguel Araiz erretiratu berri den unaia dira hautagaiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Odei Domingo, sentsasioetan eragin nahi duen magoa

«Beharrezkoa da magiaren iraganeko klixeetatik bereiztea»

Julen Otaegi Leonet

'Sentsazioak' izeneko ikuskizuna estreinatu berri du Hodei magoak, Donostiako Antzoki Zaharrean. Datorren urtean antzokiz antzoki ibiltzeko lanean dabiltza.

Aaitz Aizpuru, Lorea Agirre eta Miren Dobaran ©Andoni anellada / Foku

Gazteen kezkak, geruza artean argitara

Urtzi Urkizu

Jakin-ek eta Elkarrek Geruzak egitasmoa sortu dute. Ikus-entzunezko dokumentalen bidez, pentsamendu kritikoa sustatu nahi dute. Gazteak elkarrekin hizketan jarri dituzte horretarako.

 ©JAIZKI FONTANEDA / @FOKU

«Afrika erakutsi nahi diot munduari»

Unai Etxenausia

Boli Kostako kartzela batean gertatzen den istorioa kontatzen du Lacotek 'La nuit du rois' filmean. Iaz, Afrikaldia zinema jaialdian epaimahaiaren saria irabazi zuen, eta atzo jaso zuen saria Gasteizen.
Hainbat irrati librek 40 urte baino gehiago daramatzate Euskal Herrian emititzen. ©BERRIA

Ate bat zabaldu da Hegoaldeko irrati libreak legeztatzeko

Urtzi Urkizu

Espainiako legedi berriaren arabera, irrati libre eta komunitarioek azken bost urteetan etenik gabe emititu izana egiaztatu beharko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...