INDARKERIA MATXISTA

Ibilaldian eraso egin ziotela salatu du neska adingabe batek

Ertzaintzak mutil adingabe bat atzeman du kasuarekin lotuta, eta adingabea da hura ere. Fiskaltza ari da kasua aztertzen. "Atsekabea" agertu du Ikastolen Elkarteak.

Ibilaldia, Santurtzin. /
Ibilaldia, Santurtzin. / Monika del Valle/Foku

Berria -

2018ko ekainak 5

Joan den asteko igandean, maiatzaren 27an, Ibilaldia egin zuten Santurtzin (Bizkaia), eta sexu eraso bat ikertzen ari dira. Berri agentziek Ertzaintzako iturriak aipatuz zabaldu dute neska adingabe batek salatu duela erasoa. Hedabide batzuen arabera, mutil adingabe bat atzeman dute salaketaren harira.

Azaldu dute Adingabeen Fiskaltza ari dela kasua aztertzen, eta sekretupean dagoela.

Ikastolen Elkarteak "atsekabe handia" agertu du, eta erasoa salatu du. "Indar guztiz salatzekoa izateaz gainera, ikastolok bultzatzen dugun gizarte ereduaren, gure ikasleei, gure seme-alabei ematen diegun hezkuntza ereduaren guztiz kontrako ekintza ere bada". Nabarmendu du azken urteetan "lan handia" egiten ari direla horrelako jaietan sexu erasorik ez gertatzeko, eta protokoloak martxan dituztela. "Horretan sakontzea dagokigu eta sakonduko dugu, uste baitugu hori dela ikastolok gai honetan egin genezakeen ekarpen garrantzitsuena".

Santurtziko Udalean bilera egin du bozeramaile batzordeak, eta aho batez gaitzetsi du bilera. Bihar eguerdian elkarretaratzea egingo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna