Noiz sortua: 2018-06-05 13:20:09

Literatura

'Gaur galtzea tokatzen da' plazaratu du Gotzon Hermosillak, fikziozko lehen lana

Elkar etxearekin argitaratu du liburua BERRIA-ko kazetariak. Bi motatako ipuinak elkartu ditu lanean. Batetik, taberna-zuloko istorioak. Bestetik, leku eta garai desberdinetan giroturiko narrazioak.

Gotzon Hermosilla kazetaria. /
Gotzon Hermosilla kazetaria. / Juan Carlos Ruiz/FOKU

Gorka Erostarbe Leunda -

2018ko ekainak 5

Fikziozko istorioekin Gotzon Hermosillak (Barakaldo, Bizkaia, 1966) bakarka osatu duen lehen liburua da Gaur galtzea tokatzen da. Eta beste istorio batzuk (Elkar). Lehenago, Road-movie bidaia-kronika (alberdania, 2002), eta Ramones, familia maitagarria musika taldearen biografia (Paper hotsak, 2005) idatzi zituen, eta Idoloak akatu genituenekoa punk giroko ipuin bilduma kolektiboan (Barnezomorro, 2016) parte hartu zuen.

Bi zatitan banatu du Gaur galtzea tokatzen da lana. Batetik, taberna-zuloko istorioak bildu ditu, liburuari izena ematen dion ipuina izanik haietako lehena. "Gauean noraezean bezala irten eta lokal jakin batzuetara jotzea, zer harrapatuko; dela droga legala, dela, batez ere, ilegala". Bestetik, han eta hemen giroturiko narrazioak bildu ditu bigarren partean. Lehen atalak bezala, sei kontakizun ditu bigarrenak ere: Galizian gerraostean Guardia Zibilaren zanpaketa, 60ko hamarkadan Euskal Herrian grebak apurtzeko eskirol gisa kontrataturiko migratzaileak, Meatzaldeko industrializazioaren lan-baldintza gogorrak, Txina urrunean kokaturiko kontakizun miresgarriak...

Bizkaiko ezkerraldeak eta meatzaldeak presentzia ageriko dute ipuinotan. "Euskal literaturan ez da askotan azaldu ezkerraldea. Hala ere, ez dut egin aldarrikapen modura. Neuk gehien ezagutzen dudan gunea hori da, eta hor kokatuta daude istorioetako batzuk". Ipuinak batzen dituen hari bat egotekotan, "pertsonaien izaera galtzailea da", Hermosillaren hitzetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

COVID-19aren proba egiteko ilarak, New Yorken. ©JUSTIN LANE / EFE

5,4 milioi kasu baino gehiago atzeman dituzte munduan

Berria

COVID-19ak 345.000 lagun baino gehiago hil ditu, Johns Hopkins Unibertsitatearen arabera. Egoera larriena AEBetan dute. 1,6 milioi positibo baieztatu dituzte han, eta 100.000 heriotza baino gehiago izan dira; New Yorken bakarrik, 29.021.

Gaur ireki dituzte hondartzak Donostian. ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Gaurtik aurrera, araudi berri bat dago indarrean Hego Euskal Herrian, eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Perez, Tapia eta San Jose sailburuak, krisi mahaiaren martxoko bilera telematiko batean. ©Jose Ignacio Unanue / Irekia

ELA eta LAB ez dira Jaurlaritzaren krisi mahaira itzuliko

Iker Aranburu

«Argazki huts bat» eta «propaganda» dela ziurtatu dute, eta Iñigo Urkulluri egotzi diote sindikatuen ekarpenei jaramonik ez egitea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna