Amaia Agirregabiria Pasaiako alkate ohia Martuteneko kartzelan da, Gipuzkoako Auzitegiak ezarri zion bi urte eta erdiko zigorra betetzen. Orain, epaileak hirugarren gradua aitortzea ebatzi duela adierazi du Agirregabiria eta Rokandioren aldeko plataformak.
Herritar baten eta udaltzain batzuen arteko liskarrean esku hartu zuen Pasaiako alkate ohiak 2013. urtean. Lau urte geroago, udaltzain berberek salatuta, Gipuzkoako Auzitegiak zigortu eta Martutenen espetxeratu zuten. Agur beroa eman zioten Pasaiako herritar ugarik, kartzelan sartu aurretik.
Urte hartan Agirregabiriaren idazkari zen Iker Rokandiori ere zigor bera ezarri zioten, eta hura Zaballako espetxean kartzelatu zuten, iazko abenduaren hasieran. Bi hilabete geroago aitortu zioten hirugarren gradua.
Espetxe zigorraz gain, zazpi urteko inhabilitazioa ere ezarri zien Auzitegi Nazionalak, prebarikazio delitua leporatuta.
Auzitegiaren erabakiak hainbat protesta eta elkartasun ekintza eragin zituen Pasaian, Agirregabiria eta Rokandioren alde.