Pentsiodunak

Pentsio eredu propioa erabakitzeko batu dira

Pentsio duinen aldeko mezua eraman dute pentsiodunen elkarteek Gure Esku Dago-ren giza katera. Euskal Herriko errealitatera egokitutako pentsio sistema bat erabakitzeko ahalmena galdegin dute.

Aranbako Penntionistak elkarteko kideak, Gasteizko Andra Mari Zuriaren plazan, Gure Esku Dago-ren giza katean. /
Aranbako Penntionistak elkarteko kideak, Gasteizko Andra Mari Zuriaren plazan, Gure Esku Dago-ren giza katean. / Arabako Pentsionistak

Gorka Berasategi Otamendi -

2018ko ekainak 10

"Hemen bizi, hemen erabaki" izan da Gasteizen, giza katearen azken kilometroan, pentsiodunek gehien errepikatu duten leloa. Gizarteak mezuaren "esanahi sakona" ongi ulertzea nahi du Xabier Rodriguez Arabako Pentsionistak elkarteko kideak; Euskal Herrian bizi diren guztien pluraltasuna aintzat hartzea eta gizarte bizitzari dagozkion gaien gainean erabakitzeko eskubidearen garrantziaz jabetzea, alegia.

Ibilbidearen azken kilometroan eta lehenengoetan elkartu dira pentsiodunak. Bai Gasteizen, baita Donostian ere, 1.080 euroko gutxieneko pentsioak galdegin dituzte.

Donostian, udaletxe aurrean izan dira Gipuzkoako pentsiodunen elkarteko ordezkari batzuk, '1.080 euro gutxieneko pentsioa. Hemen bizi eta hemen erabaki. Duintasuna' pankartarekin. "Hego Euskal Herriko pentsio sistema propio bat" eskatu du Maria Serrano eledunak. "Ez gaude paradisu batean. Pentsiodun asko daude arazo handiekin, eta guztiak defenditu nahi ditugu. Alor honetan ere erabakitzeko gaitasuna izan behar dugu".

Nafarroa, Araba, Bizkai eta Gipuzkoako elkarteek eskaera horri eutsiko dietela nabarmendu du Rodriguezek, eta Espainiako pentsiodunen elkarteetan ez dela halako aldarrikapenik.

Azaldu duenez, Euskal Herrira egokitutako pentsio eredua da eskatzen ari direna, bizitzaren kostuari eta aukera ekonomikoei egokitutakoa. Hori dela eta, ezinbestekotzat jo du pentsio eredu propioa erabakitzeko ahalmena. Rodriguezek ziurtatu du Hegoaldeko lurraldeetan posible dela pentsiodun guztientzako 1.080 euroko pentsioa bermatzea.

Gure Esku Dago-ren giza katea "hunkigarria" iruditu zaio Rodriguezi. Askotariko jendea aldarri berean batu dela nabarmendu du.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna