Saskibaloia

ACB ligako finala jokatuko du Baskoniak Real Madrilen aurka

Norgehiagoka benetan gogorra jokatuta 82-88 irabazi du partida Baskoniak. Bartzelonak azken unera arte borrokatu du, baina gasteiztarrek ez dute etsi eta finala jokatuko dute zortzi urte eta gero.

Enric Fontcuberta/EFE

Arantxa Elizegi Egilegor -

2018ko ekainak 10

Lehia bizia izango zela jakina zen, ziurrenik final bat bezain ikusgarria. Izan ere, Bartzelona bigarren garaipenaren bila zihoan, irabazi ezean automatikoki finaletik kanpo geratzen zelako eta hori ez zen onargarria. Baskoniarentzat, berriz, gehiegi luzatzen ari zen norgeiagoka amaitu eta finalerako sarbidea eskuratzeko aukera onegia zen galtzen uzteko.

Partida osoan markagailua oso berdindua egon da -34/44, 53/59 eta 72/75-, baina uneoro gasteiztarren mesedetan. Gertu izan dituzte etxekoak eta bien arteko alde handiena hamaika puntukoa izan da. Ondorioz, azken minutuetan faltak izan dira nagusi. Ordea, urduritasunak ez dio inori mesederik egin eta bi taldeek huts ugari egin dituzte saskiratzerakoan.

Esaguratsua partidako lehen berdinketa bukaerarako hogei segundo falta zirenean lortu dutela Bartzelonakoek. Bi tiro libre sartu ditu Claverrek eta jarraian baloia kendu die Baskoniako jokalariei eta 76nako berdinketa lortu.

Bost minutuko luzapenean une batez irauli egin da egoera eta Shengeliaren hutsek eta Navarroren hirukoak lehen aldiz Bartzelona jarri dute aurretik.

Baina Baskoniak jakin du horri ere aurrea hartzen, eta Marcelinho eta Vildozaren saskiratzeek berriz ere aurretik jarri dituzte gasteiztarrak. Egindako lanaren saria izan da, inondik inora ere, garaipena eta finalerako txartela. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna