Gizartea

"Kalitatezko babes sistema publikoa bermatzeko" herri ekinbide legegilea aurkeztu du Eskubide Sozialen Gutunak

Abuztuaren 30a bitartean 10.000 sinaduratik gora lortu behar dituzte, Eusko Legebiltzarrak ekinbidea eztabaidatzeko. Diru sarrerak bermatzeko legean eta Etxebizitzaren legean hainbat aldaketa proposatu dituzte.

jarraia153163.jpg
Ibai Maruri Bilbao.
2018ko ekainaren 11
12:56
Entzun

Euskal Herriko Eskubide Sozialen Gutunak azken urteetako murrizketei buelta emateko proposamen modura aurkeztu du herri ekinbide legegilea. Hiru arlotan egin nahi dituzte aldaketak: diru laguntzak bermatzeko errentan, larrialdi sozialeko laguntzetan eta alokairu sozialean. 

Diru sarrerak bermatzeko errenta jasotzen hasteko gutxieneko adina 23 urtetik 18ra jaitsi nahi dute. Gutxieneko errolda aldia berriro urtebetera itzultzeko ere eskatu dute. Eta errentaren zenbatekoa lanbide arteko gutxieneko soldatarekin parekatzea proposatu dute. Larrialdi sozialeko laguntzei dagokienez, eskubide subjektibo bihurtzearen alde agertu dira. Salatu dute gaur egun aurrekontuen mende daudela: dirua bukatzean laguntzak banatzeari uzten dio gobernuak. Eskubide subjektibo bihurtuko balitz, administrazioak laguntza bermatu beharko luke. Alokairu soziala bada eskubide subjektibo, baina ohartarazi dute ez dela betetzen. Sarri alokairu sozialaren pareko diru kopurua ematen dute, ohiko alokairua ordaintzen laguntzeko.

Abuztuaren 30a baino lehen 10.000 sinaduratik gora lortu behar dituzte. Oraingoz, Gutunaren bide diren eragileek euren aldetik bilduko dituzte. Ekainaren 26an kalera aterako dira, herritarrei babesa eskatzera. Horrez gainera, mobilizazioetan parte hartzera dei egin dute. Etzi egingo dute lehena, Eusko Legebiltzarraren parean.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.