Hainbat mobilizazio iragarri zituen Ernaik Altsasuko auzian zigortutako gazteen alde, ekainaren 16an, auzipetuen gurasoek antolatutako manifestazioaren aurretik. Ezker abertzaleko gazte erakundeak Espainiako Gobernuak Iruñean duen ordezkaritzan egin du protesta horietako bat. Hainbat kide ordezkaritza barrura sartu dira, gaur goizean, eta eraikinaren kanpoaldean kateatu dira haietako zortzi, ondoren.
Espainiako Delegazioan sartu dira gazteak Altsasukoen alde #AltsasukoakAskepic.twitter.com/oe7W6BwTgi
— Topatu (@topatu_eus) 12 de junio de 2018
Espainiar delegazio faxistan kateatu gara gazteok.
— Ernai (@ernaigazte) 12 de junio de 2018
Espainiar faxismoarekin hautsi dezagun, #AltsasukoakASKE!
Euskal gazteria aurrera! https://t.co/IOGcXorha7pic.twitter.com/1G0eTCru3k
Ordu bete inguru kateatuta egon ondoren, Espainiako Polizia agertu da ordezkaritzan eta protestan ziren gazteak identifikatu ditu. Kateatu dire zortzi gazteak, berriz, atxilotuta eraman dituzte, desordena publikoa eta desobedientzia leporatuta.
Kateatuta zeudenak askatu eta atxilo eramaten ari da Espainiako Polizia Nazionala #AltsasukoakAskepic.twitter.com/hKsCdeqy0Q
— Topatu (@topatu_eus) 12 de junio de 2018
Altsasuko gazteei bi eta hamairu urte arteko espetxe zigorrak ezarri zien Auzitegi Nazionalak, leporatzen zaizkien gertakariak terrorismo delitua ez direla ebatzi arren.
