Hildakoa

Gizon baten gorpua aurkitu dute Lekeitioko portuan

84 urteko Lekeitioko bizilagun bat da hildakoa. Gorpuak ez du indarkeria zantzurik, eta Ertzaintzak uste du uretara erori dela. Autopsia egingo diote.

Lekeitioko portua. /
Lekeitioko portua. / Marisol Ramirez/FOKU

Berria -

2018ko ekainak 13

Gizonezko bat hilik aurkitu dute, gaur, Lekeitioko portuan (Bizkaia), ontzien artean. Eusko Jaurlaritzako Segurtasun Sailak abisua jaso du 08:00ak aldera. Udaltzaingoa eta Ertzaintza portura joan dira, eta gorpua atera dute uretatik. Zerbitzu medikoek 84 urteko gizonezkoaren heriotza baieztatu dute.

Etzaintzak ikerketa hasi du gizonaren heriotza argitzeko. Oraingoz argitu dena da gorpuak ez duela indarkeria zantzurik. Autopsia egin zain, heriotza istripu baten ondorio izan den hipotesia lehenetsi du Ertzaintzak. Eroriko bat edo zorabio bat izan eta uretara jausi dela uste du Ertzaintzak.

Larrialdi zerbitzuek eman dute heriotzaren berri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna