EUSKARA

Euskaraldia Nafarroan sustatuko duen "hamaikakoa" aurkeztu dute

Hamaika esparrutako euskaltzale "aktibo eta erreferentzialak" bildu dituzte, egitasmoaren "enbaxadore" izateko.

Nafarroako hamaikakoa osatuko duten euskaltzaleak.
Nafarroako hamaikakoa osatuko duten euskaltzaleak. EUSKARALDIA

Ion Orzaiz -

2018ko ekainak 13

Iruñean aurkeztu dute gaur Euskaraldia: 11 egun euskaraz egitasmoaren Nafarroako hamaikakoa. Goizean bildu dira NAPI Nafarroako Administrazio Publikoko Institutuaren egoitzan talde eragilea osatuko duten kideak.

Honako hauek izanen dira: Oier Sanjurjo futbolaria, Julian Iantzi telebistako aurkezlea, Edorta Salvador okina eta sukaldaria, Zuriñe Hidalgo abeslaria, Nerea Egozkue modeloa, Nerea Fillat Katakrakeko kidea, Mikele Grande Uharteko gaztea, Mikel Idoate enpresari eta pilotari ohia, Juan Kruz Lakasta kazetaria eta Saioa Jaurena errugbi jokalaria.

Haiekin batera izan dira egitasmoa Nafarroan kudeatzeaz arduratzen direnak: Euskaltzaleen Topaguneko kide eta Euskaraldiaren Nafarroako koordinatzaile Oskar Zapata, Nafarroako Gobernuko Herritarrekiko eta Erakundeekiko Harremanetako kontseilari Ana Ollo, eta Euskarabideko zuzendari Mikel Arregi.

Herrialde bakoitzeko hamaikakoen egitekoa izanen da Euskaraldia herritarren artean sustatzea, era aktiboan parte hartzea eta horren berri ematea. "Euskaraldiaren enbaxadore izanen dira", antolatzaileen esanetan.

Urte erdi falta da 11 eguneko erronka martxan jartzeko –azaroaren 23tik abenduaren 3ra egingo dute–, eta jadanik 340 bat udalerrik eman dute izena parte hartzeko. Batzordeak sortzen ari dira herri horietan, Euskaraldia prestatzeko: euskalgintzako eragileak eta instituzioak bildu dituzte.

Herritarren hizkuntza ohituretan eragitea da Euskaraldiaren helburua: aukera dagoenean euskaraz egitea. Ahobizi eta belarriprest rolak zehaztu dituzte horretarako. Herritarren aldaketa bultzatu nahi dute, beraz, eta taldean egin nahi dute. Norbanakoen aldaketarako, ordea, uste dute ezinbestekoa dela entitateen babesa: “Ariketa sozial honek hainbat bidelagun behar ditu. Herritarrek entitateei lotuta egiten dute beren egunerokoa: elkarteetan, enpresetan, kirol elkarteetan, aisialdi taldeekin”. Horiek Euskaraldira biltzea jarri dute erronka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna