Albistea entzun

Espainiako gobernu berria

Loza eta Arasti izango dira Espainiako Gobernuaren ordezkariak Hego Euskal Herrian

PSNko kidea da Jose Luis Arasti, eta Milagroko alkate izateko hautagai izan zen azken udal bozetan. Jesus Loza, berriz, Elkarbizitzarako ordezkaria izan zen Patxi Lopezen agintaldian.

Jesus Loza izango da EAErako Espainiako Gobernuaren odezkaria. /
Jesus Loza izango da EAErako Espainiako Gobernuaren odezkaria. / Juanan Ruiz/Foku

Berria -

2018ko ekainak 14

Ostiraleko Ministro Kontseiluan berretsi behar dituzten arren, dagoeneko ziurrak dira erabakiak. Hala, Jose Luis Arasti sozialistak hartuko du orain arte Carmen Albak bete duen kargua, Espainiako Gobernuko ordezkariarena, eta Jesus Lozak ordezkatuko du Javier de Andres popularra.

Nafarroako Alderdi Sozialistako kidea da Arasti, eta Milagroko alkatetzara aurkeztu zen aurreko udal bozetan. Egun, PSNko zuzendaritzako kidea da. Nafarroako Alderdi Sozialistak proposatu du haren izena. Enpresa zientzietan lizentziaduna da Arasti.

Pozik agertu da Maria Txibite idazkari nagusia Pedro Sanchezen erabakiarekin: "Sei urte daramatza Nafarroako Gobernuko Barne Sailarentzako lanean, eta, beraz, ezagutzen ditu ordezkaritzan kudeatu beharko dituen alorrak. Gure konfiantza osoa du, eta baita zuzendaritza federalarena ere".

Sozialista da Loza ere, eta hainbat urtez Fernando Buesa Fundazioko presidenteorde izan da. 1952an jaio zen, Gasteizen, eta mediku ikasketak egin zituen; Txagorritxuko erietxeko zuzendaritzan aritu zen lanean. Patxi Lopez lehendakaritzara heldu zenean, berriz, Elkarbizitzarako ordezkari izendatu zuen. Kargu horretan zela, "ETAko presoei bigarren aukera" eman beharra aipatu zuen, eta gaixo dauden presoen inguruko ekimenak ere landu zituen.

Lozak salatu izan du, era berean, ETAren aurkako borrokan giza eskubideen urraketa ugari egin zirela. Bide beretik, presoen gizarteratzearen aldeko adierazpenak egin izan ditu, ohartaraziz horren aurka dagoena "konstituziotik at" dagoela.

Gaur egun, Gogora instutuko zuendaritza kontseiluko kidea da, eta Txagorritxuko erietxean egiten du lan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jende andanak parte hartu zuen Zemmourren kontrako mobilizazio antifaxistan, atzo arratsaldean, Miarritzen. ©GUILLAUME FAUVEAU

Eric Zemmour eskuin muturreko polemistaren aurka bildu dira

Ekhi Erremundegi Beloki

Protesta askotarikoa egin dute Miarritzen, besteak beste, EH Baik, LABek eta Les Bascosek deituta
Bakartxo Ruiz, parlamentuan, eta atzean Maria Txibite gobernuko lehendakaria, ekainean. ©Idoia Zabaleta / Foku

Nafarroako Gobernuak eta EH Bilduk akordioa lortu dute aurrekontuei buruz

Joxerra Senar

Oraindik ere ez da erabateko akordioa, eta zerga neurrien inguruan ados jartzea falta dela azpimarratu du Bakartxo Ruizek. Haren esanetan, «akordioa osoa izan arte» ez dute xehetasunen berri emango. Gobernua baikor azaldu da 2022an aurrekontuak izateko bidean.

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Zemmourren kanpaineko afixa bat, Angelun (Lapurdi). ©Guiilaume Faveau

Jende andana bildu da Miarritzen Eric Zemmour eskuin muturreko polemistaren aurka

Ekhi Erremundegi

Besteak beste, LAB sindikatuak, EH Baik eta Les Bascos LGBT kolektiboak egin dute deialdia. Oraindik ofizialki deklaratu ez bada ere, Frantziako presidentetzarako hautagaitza prestatzen ari da Zemmour, 2022ko bozetarako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.