KATALUNIA

Llarenak baimenduz gero, politikari presoak Kataluniako kartzeletara lekualdatzea aztertuko luke Madrilek

Grande-Marlaska Espainiako Barne ministroaren esanetan, epaileak balioztatuz gero ez litzateke "eragozpenik" egongo.

Rull etaTurull pasa den martxoaren 23an, kartzelatu zituztenean.
Rull etaTurull pasa den martxoaren 23an, kartzelatu zituztenean. ZIPI / EFE

Igor Susaeta -

2018ko ekainak 14

Onda Cero irratian egin ditu adierazpen horiek Grande-Marlaskak, eta nabarmendu du epai irmorik ez dagoen bitartean Barne Ministerioak ezin duela lekualdatzeei buruzko erabakirik hartu. Oraingoz, auzipetze autoa ere ez da irmoa, baina, zenbait hedabidek iturri judizialak aipatuz kaleratutakoaren arabera, epaiketa udazkenean da egitekoa. Prozesu subiranistaren kontrako kausarekin lotuta, une honetan behin-behinean preso daude Oriol Junqueras, Joaquim Forn, Jordi Sanchez, Jordi Cuixart, Dolors Bassa, Jordi Turull, Josep Rull, Raul Romeva eta Carme Forcadell.

Hainbatetan eskatu dute Kataluniako espetxeetara lekualda ditzatela, baina Pablo Llarena Espainiako Auzitegi Goreneko epaileak ez ditu eskaerak ontzat eman. Grande-Marlaskaren hitzetan, lekualdatzea aztertu beharko litzateke, preso daudenen familia bizitza errazte aldera. Baina argi utzi nahi izan du erabakia, oraingoz, Llarenaren esku dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna