Max sariak

Kulunkari eman diote antzerki lan onenaren Max saria

Emakumeek antzerkigintzan duten tokia aldarrikatu du Mireia Gabilondo zuzendari eta aktoreak jaialdian: "Asko gara, eta gehiago izango gara".

Kulunka antzerki taldea. /
Kulunka antzerki taldea. / Juan Manuel Vidal/EE

Arantxa Elizegi Egilegor -

2018ko ekainak 19

Euskal ordezkaritza zabala bildu zen atzo gauean Sevillan (Espainia), Max sarien banaketan. Kulunka antzerki taldea izan zen gaueko protagonista nagusietako bat. Izan ere, haren Solitudes lanarentzat izan zen antzerki lan onenaren saria.

Hernaniko taldea ez zen euskal saritu bakarrra izan. Borja Ortiz de Gondrak jaso zuen antzerkigile onenaren saria, Los Gondra lanarengatik. Madrilgo Valle Inclan antzokian ikusi ahal izan da lana azken hilabete honetan.

Ertza taldearen Meeting Point lanarentzat izan da kale ikuskizun onenaren saria. Asier Zabaletak zuzentzen duen lan horrek bi gazte brasildarren historia kontatzen du, zeinak haur zirela heldu ziren Euskal Herrira, eta han ezagutu zuten Ertza konpainia.

Aldarrikapenen gaua ere izan zen atzokoa. Mireia Gabilondo aktore eta zuzendariak emakumeen lana goraipatu zuen. "Batzuean jendeak ez gaitu ezagutzen, batez ere emakumezkoak. Baina ari gara ikasten; dagoeneko emakumezko zuzendari asko daude, eta laster gehiago izango dira".

Arteari "duen garrantzia" emateko ere eskatu zion Gabilondok Espainiako Kultura ministro berriari, eta ahalegina egin dezala antzerkia ikusarazteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna