Lehia

Junckerren aroko beste zerga arau bat zigortu du Bruselak

Engie argindar eta energia konpainiari hamarkada batez legez kanpoko abantaila eman zitzaiola ondorioztatu du, eta 120 milioi ordaindu beharko ditu atzeratutako zergetan.

Margrethe Vestager Lehia komisarioak eman du Luxenburgoren aurkako prozeduraren berri. Irudian, joan den otailean egindako agerraldia.
Margrethe Vestager Lehia komisarioak eman du Luxenburgoren aurkako prozeduraren berri. Irudian, joan den otailean egindako agerraldia. STEPHANIE LECOCQ / EFE

Ivan Santamaria -

2018ko ekainak 20

Lehia agintaritzak berriro ere susmopean jarri du Luxenburgok konpainia baten alde egindako zerga arau bat. 2008. eta 2010. urteetan bi arau onartu zituen dukerriko gobernuak, eta, horiei esker, Engie konpainiari, GDF Suez ohiari, ia zergarik ez ordaintzea onartu zitzaion. Arauak onartu ziren garaian Jean Claude Juncker Europako Batzordeko presidente zen Luxenburgoko lehen ministroa.

Luxenburgoko ogasunak baimendutako eskema konplexu horrek zerga faktura "artifizialki murriztea" ahalbidetu zion Engieri. Aparteko tratu bat eman zitzaion, beste enpresekin alderatuta, eta hori legez kanpokotzat jo du Bruselak. 

Konpainiak Luxenburgon bi enpresa sortu zituen, horien bidez irabaziak bideratu, eta zergetatik libratzeko. Horietako batek irabazien %99 ez zergapetzeko aukera ematen zion. Horren bidez bideratu ziren mozkinak kalkulatuta, Bruselak kalkulatu du Engiek 120 milioi euro ordaindu beharko dituela, eta horri interesak gehitu.

Beste enpresari eskainitako arauak zerga tasa erreala %0,3koa izan arte murriztea aurreikusten zuen, baina, orain arte, ez da sekula bide hori erabili mozkinak kudeatzeko. Irabazirik bideratuko balitz, legez kanpokoa litzateke.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna