2019ko udal eta foru hauteskundeetara Podemosekin eta Equorekin batera aurkeztearen alde bozkatu dute Ezker Anitzaren militanteek. Barne galdeketaren emaitzek koalizioarekiko babes zabal adierazi dute. Formula errepikatzearekin ados agertu da militanteen %78,1, kontra bozkatu du %19,1ak eta %2,8 abstenitu egin da.
Isabel Salud alderdiko koordinatzaile nagusiak ontzat jo du militanteen hautua. Haren esanetan, Elkarrekin Podemosen aldeko apustua "ezkerreko politiken aldeko urrats bat gehiago da, Euskadin lan egiten dugu eta bizi garenon bizitza hobetzeko".
Apustu hori Izquierda Unidak Espainian ere berretsi duela nabarmendu du Saludek. Izquierda Unidako militanteen %76,6k bozkatu du Podemosekin eta Equoerkin koalizioa eratzearen alde. %20,6k bozkatu du aurka, eta %2,7 abstenitu egin da.
