KOLONBIA

Ekuadorko hiru kazetariren gorpuak aurkitu dituzte oihanean, Kolonbian

Frente Oliver Sinisterra FARCetik irtendako talde disidenteak bahitu zituen kazetariak, martxoaren 26an. Bi hilabete behar izan dituzte gorpuak aurkitu eta identifikatzeko.

'El Comercio' egunkariko kazetariak
'El Comercio' egunkariko kazetariak Berria

Urtzi Urkizu -

2018ko ekainak 23

Ekuadorko El Comercio egunkariko hiru langile hilda aurkitu dituzte Kolonbiako hegoaldeko oihan batean. Javier Ortega, Paul Rivas eta Efrain Segarra dira; Ortegak 32 urte zituen, Rivasek 45, eta Segarrak 60.

Martxoaren 26an bahitu zituzten, Esmeraldas probintzian. Handik gutxira hil zituztela esan zuen Lenin Morenok, Ekuadorko presidenteak. Baina egunotan baieztatu du Kolonbiako Defentsa ministroak oihanean aurkitutako gorpuak hiru kazetarienak direla. Ekuadorko hainbat hiritan protestak egin dituzte azkeneko hilabeteetan, kazetarien bahiketa dela eta.

Frente Oliver Sinesterra taldea egin dute bahiketaren eta hilketen erantzule. FARCetik irtendako talde disidente bat da. Walter Patricio Arizala Guacho dute buruzagia.

Lenin Moreno Ekuadorko presidenteak zera adierazi du hilketen inguruan: "Doluz gaude, baina ez gara kikilduko. Ez dugu onartuko inor Ekuadorko herriari gezurretan aritzea".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna