Gizartea

Zirku animaliadunen eta zezenketen amaiera galdegin dute Bilbon

Animalistak elkarteak deituta, manifestazioa egin dute Bilbon, animalien "esplotazio bidegabea" salatzeko.

Zezenketen eta animaliadun zirkuen kontrako manifestazioa, gaur, Bilbon. /
Zezenketen eta animaliadun zirkuen kontrako manifestazioa, gaur, Bilbon. / Animalistak

Berria -

2018ko ekainak 23

Bilboko Moyua plazatik Arriaga antzoki pareraino, "zezenketen eta zirku animaliadunen" aurka mobilizatu dira, Animalistak elkarteak antolatutako manifestazioan. Hainbat elkarte animalistak eta Udal Berri Bilboko udal taldeak babestu dute protesta.

Bilboko Kale Nagusitik egin duen ibilbidean, animalien "esplotazio bidegabea" salatu dute kartelek, eta "animalien askapena" exijitzeko leloak oihukatu dituzte manifestariek. "Animalien eskubideak" aldarrikatu dituzte.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna