Japonia 2-2 Senegal

Japoniak eta Senegalek berdindu egin dute, neurketa borrokatu batean

Bi taldeak dira H multzoko buru, launa punturekin.

Takashi Inui japoniarra, Moussa Wague jokalari senegaldarrari iskin egin nahian. /
Takashi Inui japoniarra, Moussa Wague jokalari senegaldarrari iskin egin nahian. / Roman Pilipey/EFE

Berria -

2018ko ekainak 24

Neurketa parekatua eta emozioz beterikoa jokatu dute Japoniak eta Senegalek azken unera arte. Bi aldiz aurreratu da Senegal markagailuan, eta beste horrenbestetan berdindu du partida Japoniak.

Manek sartu du lehenengo gola, 11. minutuan; Kawashima atezainaren aldaratzea errematatu du sarera aurrelari senegaldarrak. Inui Eibarko jokalari ohiak egin du banakoa, 34. minutuan. Nagatomok utzitako baloia ederki jarri du zutoinaren ondoan. Berdinduta iritsi dira bi taldeak atsedenaldira.

Bigarren zatian ere lehia gogorra izan da, eta Senegalek lortu du berriz ere aurreratzea. Waguek jaurtiketa gurutzatu batekin gainditu du Kawashima, 71.ean. Bi minitura irten da zelaira Honda Milan taldeko erdilaria, eta hark egin du binakoa, 78.ean. N'Diaye atezainaren irteera okerrari esker, bigarren zutoinean bakarrik errematatu du.

Puntu bana eskuratu dute Japoniak eta Senegalek, eta azken jardunaldian borrokatu beharko dute final-zortzirenetara iristeko.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna