630 migratzaile lehorreratu ziren ekainaren 17an Valentzian (Herrialde Katalanak), eta haietako gutxienez 75 Euskal Herrira etorriko zirela jakinarazi zuten instituzioek. Eusko Jaurlaritzak gaur jakinarazi duenez, aurreneko zortziak iritsi dira, eta Gasteizen, Bilbon eta Tolosan daude.
#Errefuxiatuak#Aquarius Bart Euskadira iritsi direla Aquarius-etik datozen lehenengo errefuxiatuak. 8 pertsona dira eta horietaz arduratu gara CEAR-EUSKADI-ren laguntzarekin. Gasteiz, Bilbo eta Tolosako hainbat pisutan jaso dituzte pic.twitter.com/ighXNNC0zo
— Josu Erkoreka (@jerkoreka) 2018(e)ko ekainaren 26(a)
Josu Erkorekak gobernu bileraren osteko prentsaurrekoan jakinarazi duenez, zortzi migratzaile horiek "ondo" daude osasunez: "Lasaitasunez jaso dituzte". Espainiako Gobernuarekin "erabat koordinatuta" aritu direla azaldu du, eta "zuhurtziaz" jardun dutela.
Zailtasunak zailtasun, "egoera larrian iritsi diren pertsona horiei" laguntzeko konpromisoa du Jaurlaritzak, Erkorekaren esanetan.
